ARVIPENDIUM

ARVIPENDIUM

in Glossis, χοῖνος γεωμετρικὸς, funiculus geometricus. Vetustiores enim romani non videntur perticâ sive decempedâ communiter in mensurandis agris usi; unde nec Varro, nec Columella, nec Plinius ad eam rem perticae decempedaeque memint: funiculô magis utebantur. Certe ab arvis pendendis, i. e. metiendis, dictum arvipendium; pro quo postea Arvipennium et Aripennium dici coepit. Unde corrupta vox Aripennis, de certo agri modo: quâ semiiugerum Gallos vocare, tradit Columella. Baeticis hoc vocabulum tribuit incertus Auctor de mensuris agrorum, qui actum quadratum Baeticos ita appellare notat, ab arando scilicer. Atque hinc est Gallorum hodiernorum verbum arpenter, et nomen Arpenteur, quo illum appellant, quem Veteres agrimensorem dixêre et mensorem. Vide Salmas. ad Solin. p. 683. Terrarum Arpivendia olim Deo cuique consecrâsse Gentiles, ut e locationibus eorum impensae provenirent, quae postea in sacrisicia publice fierent dicemus infra, voce Victima.